( Overview
/ Patagonien/Buenos Aires
Schlussendlich hemmer wiiteri Nächt in Puerto Natales storniert, es Auto gmietet und im Park es Hotel reserviert. Guter Dinge simmer mit euisem Truck losgfahre. Nach 30min Schotterpischte (asphaltierti Strasse häts nöd immer) erste Platte. Zwei Amis helfet euis: Wage hebe, Rad entferne, Ersatzrad parat mache - und denn kippt de Wage vom Wageheber! Zum Glück isch niemertem öpis passiert! Wageheber futsch. Mer wends mit ihrem versueche - da chunt de Müllmaa miteme Chrane per Zuefall verbii und frögt, öber chän helfe - sehr gern! Geld nimmt er nöd a, voll flott vo allne Helfer! Bim nächschte Stopp ghöri, dass s Ersatzrad Luft useblast - super! Mir chömet no knapp bis zum Hotel, 2h spöter bringt d Vermietig en neue Wage...hoffemer ab jetz uf meh Glück 🍀 Wildi Ross hani no gseh 😃