Uf de Wiiterfahrt simmer unter anderem ade schöne Kai Iwi Lakes verbii cho und hend en Strandspaziergang gmacht, hend di massive Kauri Bäum bewunderet und sind unfreiwillig über schlimmi Holperpiste gfahre. Di letzti vo dene Holperpistene hät euis zum total abglegene Camping vode Gabi in Hukatere am 90-mile-beach gfüehrt, nachdem ich öpe 20 Minute ghofft han, dasmer bis dethii vomene wiitere Platte verschont bliibet 🙈 Aber s hät sich glohnt, es chlises stills Paradies - gfühlt am Endi vode Welt - aber mir hend euises Wöhnigli ja debi 😉