Uf de östliche Siite vo Coromandel simmer de Küste nah wieder abe in Süde und hend bide Cathedral Cove en Halt gmacht - mit villne andere Touris, aber isches wert 💕 Hends bis Cambridge gschafft, womer länger bliebe sind als planet - hend es easy Velotürli gmacht mit Bikes vom Campingplatz 👍🏻😎 Wiiter simmer denn uf Waitomo go Glüehwürmli und Chalchsteihölene luege - ebefalls meeega tourimässig, aber sind miteme Boot dur e Höli wos nur so gwimmlet hät vo dene Glüehwürmli - wie d Milchstrass oder so 😍 Fötelibewiis sind leider keini erlaubt gsi. Au im Nachthuus vode Kiwis nöd - aber mer hend eine gseh, wo wie wild mit sim Schnabel umeghackt und nach Fueter gsuecht hät 😉 Paar anderi Vögis hemmer denn dusse no gsichtet.