Vo Picton us hemmer churz in Blenheim ghaltet, zum Fischerusrüstig nachezchaufe und sind denn nach Saint Arnaud im Nelson Lakes Nagional Park gfahre. Det häts leider meeeega vill Sandflies gha, obermüehsam - ohni so spezielle Muggespray hends di sofort verstoche und au mit dem Züg sinds immer umegschwiirt 😤 - zudem hät min Muggespray defür Wespi und vor allem Hummeli azoge?! 😝 Ich han mich im Camper verchroche und de Christoph isch go fische. Er isch au de, wo für d Milchstrass-Föteli e Nachtschicht igleit hät 👍🏻