Dänn simmer wiiter zum Lake Tekapo gfahre - sooo en schöne See! Hend en Campingplatz direkt am See gha und grad nebetem Start vom Wanderweg zum Mount John. Hend ufem Berg picknicked und sind gmüetlich wieder abe gloffe. S Gebiet um de Mount John ghört zumene Dark Sky Reserve, womer bsunders guet d Sterne gseht - für d Milchstrass und en Huufe Sternschnuppe simmer am 3 ufgstande 🙈 Am Schluss isch denn glich no s Dorf als Liechtquelle ufem Foti druf gsi, de Himmel aber dennoch es riese Highlight! 😍