Nachem Abstecher uf Queenstown ziehts euis zrugg ad Küste. Mir machet en Halt in Moeraki, womer vom Camper us direkt ufs Meer gsehnd 😍 Am Morge heissts früeh ufstah und zum Sunneufgang zude Moeraki Boulders - es paar Fotografe häts, aber mehrheitlich isch de Strand lär! Denn no zum Lüchtturm - mir hend Glück, wiit weg gsehmer zwei Pingus. Robbe gsehmer ganz en Huufe - s hät dutzendi Jungi, wo ide Pools bide Felse am Spiele sind 💕