Letzt wuche bini wider uf Tortuguero. S‘erst mal woni ganz elei greist bin. Isch aber alles guet gange und be guet det acho & han mer als ersts mal es feins karibishs z‘Nacht gönnd

Denn bini no chli am Strand umeglege und han die schön Ussicht chli chönne gmüsse. Und natürlich hani mer en Sunnebrand gholt

Und nach eme entspannte weekend bini mitem Boot wider zrugg. S‘Boot het aber mitte ufem Fluss kei Benzin meh gha und drum hemmer über en Stund an Hafe brucht. Det het‘s denn kein Uber gha und drum hani über e Stund uf es Taxi gwartet und min Schlussbus verpasst. Drum hani über 6h Heiweg gha

Letzt Fritig bini denn am morge los uf Puerto Viejo. En Tourguide woni in Tortuguero kenne glernt ha ish det gsi mit e paar Kollege und het gfrogt obi au verbi cho will. Da‘s e mega schöni Stadt ish hani zuegseit. Am morge ish denn de Uber stah blibe,han en neue bstellt & spünktlich ufe Bus gschafft

Am fritig bini denn s‘erst mal im Spital glandet aber nit wege mir sondern weg dem Tourguide nachdem er s‘ganze Badzimmer verbluetet het well er so vill Bluet im Urin gha het und fast ohnmächtig worde ish aber nit gwüsst het was passiert ish. Bluet & urinprobe hend aber nüt uffälligs zeigt…

Am Samstig han ich denn mega Kopfweh becho. De Tourguide het mer Schmerztablette gholt und nacher hani de ganz Tag nur no pennt. Und am Sunntig früeh bini denn nach eme weniger erfolgriiche Weekend wider hei gfahre