Mitemna Schnellbötli simmr noch Nosa Lembongan gfahra. Nochdem mr üsi Sacha direkt bi üsem Hotel am Strand abglada händ, gohts scho wiedr witr mim Programm. Ab zum Dream Beach und zum Devil's Tear und de no gmüatlich bi Livemusic z'Nacht ässa. Am nöchscht Tag wär a richtig schöna Usflug agseit gsi, doch leider sind miar beidi mit Bali Belly im Bett gläga. So chrank amna andera Ort (dr Marc het dur d Nacht gfühlt so hoch Fiabr ka wia nonia) eis vode Highlights verpassa, simr umso dankbarer gsi simr z zweita gsi. Am Tag schlofend chrank im Bett, wärdemr vomna Erdbeba ufgweckt... zum Glück ni vomna starcha doch im Moment goht einem viel dura Chopf: hebt das Hotel?, Dussa schreit öper, müasstma go luaga? ZErdbeba isch zeina, abr was isch mit em Tsunami wo folga chönd? - zu üsm Glück isch abr nüt vu dem itroffa und somit gnüssemer a zvieri am Pool :)