Es isch jetzt wirklich freezing cold und zum daily outfit ghöred neu au Händsche und das Halsschhutzding wo mer au bim Skifahre ahed (kei Ahnig wie mer dem seid...). Vo üsem Camping hend mer zerst müesse en schneebedeckti Strass fahre zum vom Ort weg cho. Isch zum Glück problemlos gange. Denn sind mer eimol rund um de See in Eglisstadir gfahre, dete chli go spaziere im Wald und zumene Wasserfall. War ganz schön streng und hed üs wieder fast wegblaset. Jetzt sind mer zumene andere Arm im Oste gfahre, um wie gester amene abglägne Camping z'übernachte. Da gfallts mir sehr guet, umgäh vom Meer und schneebedeckte Berge. Hend au usnshmswis wiedermal duschet😂 Jedoch hend üsi 400 ISK in Münze grad mol für 4min. glänget. Ufteilt hend mer natürli 1min Anja und 3min Pablo.

Erkenntnis des Tages (woni afig nach 4 Jahr bemerkt ha): d'Luutstärki vo Radio/Musik/TV muess bim Pablo immer ufere grade Zahl sie; wenn ich 27 istelle dreht er uf 26 oder 28. Schnapszahle sind au no grad so in Ordnig...