Mir hend hüt wieder viel gmacht, will mer das wunderschöne Wetter nomol richtig hend welle usnütze bevor denn morn wieder Sturmwarnung agseit isch...
Nachdem mer de Tag dur Gletscher so weit das Auge reicht bestuunt hend, hend mer am Abig eifach nomol das Naturspektakel Nordliechter dörfe erlebe. Ebefalls so weit das Auge reicht, so dass mer gar nüm gwüsst hend wo luege. Hend denkt, dass mer sie gester guet gseh hend, aber hüt isch nomol ganz en anderi Liga gsi!