Dia nöchschta zwei Täg simr fascht nonstop ufda Stross, zum üses nöchschta grossa Ziel "Limmen Nationalpark" zerreicha. Doch bevor mr losfahrend heissts nomol go Ässa poschta, Gas Vorrot chaufa und en Zusatzkanister mit Diesel fülla (ma weiss jo nia).
Ufm Weg durchfahremr as Gebiat mitera Witi wiamrs nonia hend erläbt. Öpa a 300 km langi pfiffagradi Stross und überall um üs uma verdorreti Graslandschaft und teils wiedr Abschnitt wos vereinzelti saftgrüani Bäum het.
ZNavi hämr hüt ni lang brucht, denn churz nach da Stadt heissts in 470km rechts abbiegen.😂
Irgendwo im Nirgendwo ufera Rest Area schlömr üses Nachtlager uf. Fascht allei, Ussicht ufd Natur alles wunderbar bises idunklet und es gfühlti Milliona penetranti Viecher umaschwirend, so dasmr nono gschwind in Camper ina händ wella go

Für en Lastwagafan isch das a absoluti Traumstrecki gsi, ei Road Train nochm andera. Leider sind in dem Blog d Fötali pro Tag beschränkt, darum sind ni alli Lastwäga dina. Wer alli gseh will, döf de bi üs uf Bsuach cho um zusätzlicha Album "Marc und seine Lastwagen" azluaga.☺️😂