Vo Denham us machmr hüt a Marine Safari mit Schnorchla im Shark Bay. Üsi Tour goht am 8i los und scho noch churzer Ziet hämr choga Glück und gsehn zwei sich paarendi Schildchrötli. Üsi Guides hend a huarra Freud a denna, denn au für sie ischs zerst Mol, dass das gad so gsehn. 😂 Shark Bay isch a riesa Gebiat, isch abr meischt öpa nu 4,5 Meter tüf und am tüfschta nu 14 Meter. Darum ischs as ideals Gebiat für Delfin und Dugongs und jungi Hai zum Leba. Mr gsehn einigi Dugongs vo eher wit weg und no meh Delfin au vo nöcher. Nochdem mr bim Steep Point, bim westlichsta Festlandpunkt vo Australia as Foti gmacht hend,fahremr biz witr und gönd den bi zwei verschiedena Ort go schnorchla. Nochemna Wrap zum zMittag gömr ufd Insla Dirk Hartog und erfahrend einiges überd Insla. Leider isch denn scho wiedr Ziet zum zrugg richtig Denham stüra.