Noch dr letschta Nacht im Dachzelt heissts d Rucksäck widr packa. Miar entscheiden üs zum no ins Reptiliencenter z goh, will miar ubedingt no a Dornteufel wetten gsia. Miar hin nämli mit laufa a paar Mol a Tafla gsia, dass es hat söt, doch leidr himr nia eina atroffa. In dem Reptiliahus findemer din mehreri, dia sin recht chli und schuno cool. Es het au a hufa australischi Schlanga döta und miar sin erstunt wia chli dia alli sin. Miar hin eigendli grösseri erwartet wills so giftig sin. Miar hin din no a Vorfüarig gluaget, d Claudia het din au so a Wurm ghebt, miar isch das ganza nid aso ghür gsi. 😅
Spöter gimr bim Hotel z Gepäck ab und gün z Auto go putza und go abgeh. Dr rescht vum Tag simr no dr d Stadt gloffa und hin Käffelet.