( Overview
/ Reise C&M 2024
Schu am Wättr a himr am Morga vermuatet, dass es au under Wasser muas guat si.😃
Hüt sin nomol zwei Tauchgäng am Great Barrier Reef ahgseit. Mit grosser Vorfreud startemer in das Abentür. Hüt isch a anderi Crew am Wärch, das merkemer gschwindhaft und miar stellen fescht, letsch Mol hets üs a bizli besser passt. Trotzdem ischs widr a super Sach! Beidi Tauchgäng sin bim Hastings Reef, abr an zwei verschidena Spots. D Sicht isch hüt unglaublich guat und d Wassertemperatur ideal zum Taucha bi 28°C. Miar gsian a hufa verschideni Fisch a dem farbiga, idrücklicha Korallariff. Zudem gsiamer au einigi "Stingers" also irgendwelchi giftig Qualla, zum Glück himr a ägstriga Azug ah.
Müad und zfrida landemer am Obet z Cairns widr ufm glicha Camping wia letscht Nacht. Vorm Znacht gnüssen miar no dr Pool, will mer no nid gnuag Wasser ka hin. 😉
Müad und zfrida landemer am Obet z Cairns widr ufm glicha Camping wia letscht Nacht. Vorm Znacht gnüssen miar no dr Pool, will mer no nid gnuag Wasser ka hin. 😉
Honigwaben-Zackenbarsch
Dia Seegurka het sich lut Claudia bewegt, das han i leidr verpasst.😅
Uf dem Netz tüans Koralla ufzüa und wenns a gwüssi Grössi erreicht hen, wider ana Hartkoralla anagla.
Das wären ez dia Nemo-Fischli odr echter Clownfisch.
Dia Falterfisch versteggen sich immr so schnell...
...do simr ez gnuag schnell gsi mit Fötela.
Napoleon-Lippenfisch, sichr öpa a 1 Meter grosses Wibli.
Druckusglich ni vergessa.
Under dena Koralla simr duritaucht, a sehr cooli Sach.
Sign in with Apple 
Log in with Facebook