Nochera Nacht im bequema Bett im Hotel, giz natürli a feins Zmorga. Hüt, am letschta Tag vu üserer Reis, gömers gmüatlich a und schlenderen dur zStädtli, wo üs hi und do bekanntvor chunt. A guats Kaffi derwilet dörf nid fehla und selbstverständli gnüssemer no zletscht Mol a richtig guats Sushi. Do bi sogär i Fan worda vu däm Züg, will dr Seetang schmeckt ma do nid und as isch anart no guat und günschtig. Uf Wäga himr au no a chlina Märt gfunda, d Wianachtsbelüchtig isch eba schu nid z glich mit churza Housa. Am Obet gümr din no z letscht Mol ir Feri ina feina Znacht bimena Thailänder.