Am erste Tag bini nur go poste und echli dur d‘Stadt glofe. Ha es Hotel im Zentrum gha, wit weg vom Touri-Strand. Isch no e härzigi Stadt mit e paar hübsche Wandmalereie.

Am zweite Tag hani en Tour uf d‘Isla Mujeres gmacht. Mer sind mitem Boot uf‘s Meer use, det go schnorchle und denn witer uf d‘Insle. Det hani e Gruppe vo 5 Touriste us El Salvador kenne glernt, han mit dene gesse und chli gfiret und denn simmer wider zrugg mitem Boot. Das Bild ish ufm Boot entstande

Das isch au no uf de Insle gsi, en Tourist us Chile wo au debi gsi ish

Nach eme Tag Pause bini denn in Coco Bongo Club. En crazy Club direkt amene wunderschöne Strand. Det hemmer denn bis id Morgestunde gfiret. De ufem Bild ish eine vo dene us El Salvador

De letzt Tag simmer denn ad Playa del Carmen. D‘Sunne het sicv leider ame chli versteckt und drum simmer wider ine Club. Am 3am Morge bini denn usem Club direkt an Flughafe und wider zrugg zerst uf Mexiko City und denn uf San Jose