_Zrugg uf Seoul_

Zrugg fahre uf Seoul, döt wo alles aagfange het; döt, woni mi inzwüsche scho chli dehei gfühlt ha.

Mir sind jo etz mit em Auto underwägs gsii. De Papi und ii sond amel chli gfahre. I seg der die Koreaner fahred scho chli lustig vor allem s Gschwindigkeitsregelige und d Amplesignal sorged mengmol chli für Verwirrig. Rechts abbüüge isch immer möglich, wennd liks willsch, muesch uf de grüen Pfiil warte. Gschwindigkeitsbeschränkig uf de Autobahne werdet gar nöd befolgt, obwohl 110 das höchste der Gefühle isch, pfiiled ab und zue richtigi Raser a eim verbii.

I de Tunnels isches au ganz glatt. Erstens bremseds immer ab und fahred chaibe langsam i de Tunnels. Zweitens hets ganz vill Sache zum eim wach bhalte uf de Stross: Fakesirene, Rägebogeliechtprojektione oder suss irgendwelchi Grüsch.

Wa mir di letzte Täg do no mached:
Alles go poste, wo mer no het wölle.
Tröffe, vo wem mer sich no wött verabschiede.
Zeige, wa mer no so het wölle zeige.