_Sisch so schöö wieder dehei zsii_

Im Dunkle aachoo het eifach sin Reiz. S isch wie en Spannigsboge zume freudige Erwache. So bini am Morge verwachet mit Blick ufe wunderschöni Wieselandschaft. D Sunne schiint hell, s Gras lüüchtet i chräftigem Grüe, d Blueme blüehet i allne Früehligsfarbe.
De Kontrast zu de asiatische Grossstädt chönnt grösser nöd sii! Plötzlich nimmt mer alles ganz neu wohr. D Luft isch rein, d Farbe i de Natur sind chräftig, mir hend eifach au so schöni Hüüser & alles isch blitzblank suuber!

Es isch schöö, wieder dehei zsii.♥️