Close map
/ Südamerika Trip

Lisbon

Portugal, 23. July 2018
De Hauptplatt in Lissabon
Während emene 9.5-stündige Ufenthalt in Lissabon, han ich Ziit gha id Stadt zgah. Ich bi total unvorbereitet gsi und ha drum dSitznachbare nach Reisetipps gfröged. Das Päärli isch vor 5 Jahr dete gsi und hett mir paar Ort chönne ageh. Woni am Flughafe acho bin, hani ufgrund vo dene Informatione e Metrostation gsuecht wo ide Nöchi isch. Ich bi denn chli bi Martin Moniz, Castelo de S. Jorge, Alfama und in Bairro Alto umegloffe.
Has mega gnosse, mit all mim Hab und Gut ufem Rugge chönne überall in Lissabon umelauffe. Alles woni debii ha isch under 10 kg schwer. Das hani no nie gschafft! Uf so wenig müesse ufzpasse und so wenig müesse umenandschleppe git ein es riese Freiheitsgfühl! So hani ned mal öppis zum ichecke gha, sondern eifach nur Handgepäck. So fühlt sich Freiheit a!
Lissabon isch meega touristisch! Ha da ned so extrem erwarted. Es hett mega schöni engi Gässli, wo verziert sind mit Girlande. Uf de Balkön hetts mega schöni, farbigi Blueme und Pflanze und dWänd sind mit chliine herzige Plätzli zuepflaschtered. Überall wo mer aneluegt en Augeschmaus!
Bi natürlich super stolz, dass ichs pünktlich und sogar an richtige Flughafe gschafft ha für de Flug uf Rio de Janeiro mit de Familie! Es richtigs Erfolgserlebnis!
Schön verzierti Gässli
Die Chatz hett alles vo obe beobachted: best surveillance camera ever!
Sneak Peak vom Usblick vo obe
So herzigi Balkön
Und plötzlich lauft mir en Pfau entgäge... das hani definitiv ned erwarted!
So schöni Fassadene
Ach, die Farbe! So schön zum aluege!
Alles schönn verplättled. En Augeschmaus!
Vegans Ässe :) #happyjacky

Lisbon

That could interest you too

*