Mir sollte Moies em 8 Auer ukommen. Well awer Niewel vun 3 Auer bis 12 ugekënnigt war, huet de Kapitän decidiert well em 1 Auer Nuets zu Kapstadt ze senn. De Niewel war och ganz dicht an huet sich am Law vum Moie verzunn.
Ech war fir d'zweet zu Kapstadt no 2023. Hett hu mer eis d'Stad ugekuckt a waren och nach eng Kéier op den Tafelberg, well do ass et emmer rem phantastisch. Vuën no alle Seiten.
Mat dem Hop-on Hop-off Bus se mer an d'Stad gefuer an an der Longstreet rausgeklommen beim Tourismusbüro. Do se mer mat engem Guide Richtung Bokaap gaangen. Ennerwee krute mer besse vun der Geschicht vum Kap erzielt an hu eng Rei al Heiser aus der Kolonialzeit gesinn.
Am Hank guffen déi ischt Weindrauwen ugeplanzt. Am Quartier Bokaap haten sich Leit mat faarwiger Haut néier geloos; si waren Muslims. Hei gëtt et och déi Heiser mat de faarwige Fassaden.
No der Visite se mer nach an Quartier vum Green Market gaangen an duerch d'Longstreet, dat eng Haaptakafstrooss ass.
Mi hunn dunn de Bus rem geholl a se bis bei déi ennescht Kabelstatioun vum Cablecar, dee vun 400 m op iwer 1 000 m ropfiert op den Tafelberg. Em 1 Auer se mer mat der Kabin ropgefuer. An eng Kabin gi 64 Lett rann a si huet e Buedem den dréint, su dat e wàhrend der Faart eng Ronderemmvue huet.
Uewe war et wonnerbar: Bloen Himmel, bal keng Loft. Mir sen eng Stonn ronderem getreppelt an hu Photoe no alle RIchtunge gemaach.
Em 15:00 Auer sutze mer rem am Bus a se laanst en Deel vun der Biergketten ( den 12 Apostelen), déi sich vum Tafelberg bis rof op de Kap zéit, rof bei d'Plage vu Bay Camps gefuer. du laanst d'Küst tëschent schicken an deieren Hesier bis bei de Leuchtturm. Do se mer rausgeklommen a sen eng Stonn iwert d'Promenade laanst d'Meer bis bei d'Waterfront gaangen. Mir senn do beim Stadion, de fir d'Weltmeesterschaft am Football 2010 gebaut guff an dem
Golf laanstgaangen. Iwert d'Waterfront se mer zréck bei d'Scheff getrëppelt, net ouni eppes gedrunk ze hunn.
Owes hate mer e gudde Menu gekacht kritt vun engem dichtige südafrikanische Kach, dem Ruben Riffel.