Mer hend spontan es Auto gmietet und sind scho mol de "Golden Circle" gfahre, da mer für dä sowieso, wie de Name seid, en Kreis vo Reykjavik und wieder zrug fahrt. Die viele Touris nämed de Natur chli de Charme aber naja.. Sind denn no ines Tal gfahre und tatsächlich heds bim Hjálparfoss nur 3 anderi Autos gha. Im Verglich bim Gullfoss ca. 100. De Haifoss und s' Gjáin Valley wo au no i de nöchi gsi wär (glaub wunderschön ebefalls ohni Touris) hend mer leider im Mietauto nid chönne zuemuete ufgrund vo de Strasseverhältnis. Au super isch deför üse Camping im Thjörsardulur Valley gseh wo mer nomol zeltet hend.
Zum Glück hend mer de Tourihotspot am Afang gmacht. Mitem Camper möchted mer denn versueche de Menschemasse chli usem Weg z'gah. Mal luege obs klappet...

Erkenntnis des Tages: Regejacke, Regehose, Chappe/Stirnband müend immer griffbereit sie