Hüt sind mer überd Reykjanenes Halbinsle zrug nach Reykjavik gfahre. Hend ghofft, dass mer de Vulkan wo usbroche isch vor ca. 2 Wuche no bizzli gsehnd aber war zu viel Nebel. Defür hend mer no so geothermisch aktivi Quelle gfunde (eigenrli sogar schöner als de Tourihotspot vo gester) sowie en meeega schöne See mit schwarzem Sand.
Am Abig sind mer nachdem mer nochli in Reykjavík umegwatschlet sind bezite is Hotel wo mer üses restliche Gepäck hend chönne zwüschelagere wo mer die letzte vier Täg ned brucht hend. Denn hend mer üs nomol richtig gwäsche (de Pablo hed mi nachem ufstah gfragt warum ich so nassi Haar han - sind eifach fettig gsi😂).

Erkenntnis des Tages: Ich wirde mich glaub nur vo süesse und salzige Gebäck ernähre in Island...