Nachdem mer de Camper abgholt hend, hend mer en Wanderig zum Glymur Wasserfall gmacht. De offizielli Weg füehrt über en Fluss wo aktuell so viel Wasser hed dass mer ned hend chönne dürelaufe. Hend zum Glück no en andere Weg gfunde. D'Bilder gsänd zwar ned so toll us aaaaber es isch so schön gsi, hend eus gfühlt wie im Avatar-Film wos so dur die Klippe flüged.
Nachher sind mer ufem Weg zum Camping no a zwei Wasserfäll verbi cho und de Abig hend mer bi schönem Wetter dusse mit Koche und Spieli spiele verbracht.

Erkenntnis des Tages: Fahr metem Camper ned i nassi/schlammigi Wiese (ussert de Pablo und d'Anja sind i de nöchi, denn wird der gholfe bim usestosse).