( Overview
/ Island
Godafoss
Es isch scho krass, mir erlebed so viel, dass ich kei Ahnig han was für en Wochetag isch und mer müend Bilder aluege zum üs erinnere was genau a welem Tag gsi isch.. Whatever, alsooo: Mir hend d'Sonne usgnützt und viel gmacht, verzähle direkt uf de Bilder devo. Uf jede Fall: S'Gebiet rund um Myvatn isch atemberaubend!
Erkenntnis des Tages: Es stimmt tatsächlich, dass mer Nordliechter oftmals vo Aug nid gseht.
Erkenntnis des Tages: Es stimmt tatsächlich, dass mer Nordliechter oftmals vo Aug nid gseht.
First stop in Akuyreri, ganz herzigs Städli
mit farbige Strasse
witer nach Myvatn hend mer zerst en Spaziergang gmacht am See
mit schöne Ussichte uf de Lake Myvatn
Witer zumene Lavafeld (Dimmuborgir) wo mer ebefalls en Spaziergang gmacht hend
Üses nächste Ziel hend mer bereits im Blick gha: De Hverfjall
Will das süs kei Touris mached (wills ne z'streng isch 50min. z'laufe oder de Touribus nid wartet ?!), sind mer fast die einzige gsi ufem Volcano Trail.
mit soooo wundervolle Ussichte sind mer spaziert
Scho krass, dass mer da 50min lauft, um eimol rund um de Krater zlaufe...
Ufem Weg hend mer no die chlini Höhli (Grjotagja) atroffe und en Blick dri gworfe, alli Game of Thrones Fans setted das Bild scho mol gseh ha..
De Abig hend mer im Thermalbad usklinge loh. Hed also scho chli nach Schwefel gstunke
Aber defür isch de Sunneuntergang fantastisch gsi uuund han uf en klari Nacht ghofft
Und tatsächlich, da hend mer de ersti Sterneklari Himmel. Die wo wüssed wie gern ich Sterne luege, chönnd sich vorstelle, dass ich chum meh han welle go schlafe..
Es hed sich glohnt no d' Kamera z'näh zum willkürlich de Himmel z'fotografiere will die hed nämlich anders als d'Hamdykamera öppis gsichtet...
Sign in with Apple 
Log in with Facebook