Da's in Myvatn so schön isch hend mer grad no paar Sache da unternoh. Sind ines witers Geothermalgebiet. S'coole isch gsi, dass mer en chlini "Wanderig" hend chönne mache, um das Ganze vo obe z'gseh und de Touris usem Wäg z'go. Dete heds erneut usgseh wie ufeme andere Planet. Denn sind mer no die obligate Wasserfäll go aluege, sowie en witere Krater. Die beide Naturspektakel hend mer nach 1.5 Wuche in Island langsam gseh... Denn sind mer witer nach Asbyrgi (das grüne hufeisenförmige Tal). Da ich nüt vo dem Hufise erkennt han vo unde, hat Madame einen Weg bis ganz nach oben gesucht und gefunden. 1h später und nach kurzer Kletterei mit Leiter und Seil, sind mer au scho am Ziel acho - und tadaaa, es hat sich gelohnt!
Campiert wird wieder a de Küste und mir befürchted, dass jetzt für zwei Täg wieder Regekleidig muess moniert werde, es isch am Stürme... Aber hend bewusst hüt es paar Sache gmacht wo eigentli für morn ufem Plan gsi wäred.