Hüt isch üsera letscht Tag z Bali. Will mer uf dr Tour mir Reisegruppa z Highlight nämlich z Schnorchla bi Nusa Penida leider weg üsm "Bali-Belly" hen müasa usloh, hemr üs spontan entschida zum das hüt als Tagesusflug nohzhola. Was für as Glück, dasmr da no binara Tauchschual usgschriba gseh hend und alles gad ufganga isch. Mitema chlina Bötli düsemer also dia 45min zum Spot womr din zu üsm Glück hen dörfa d Mantarocha bestuna. Dia grossa, majestätischa Tiar sind mega schön, doch leider hets aber au ganz a hufa Lüt, do verleidets einem fascht a biz... Wegm gröbera Seegang sin din dia einta plötzli au zimmli bleich worda, aso d Claudia nid. 😉 Am zweita Spot bi agnehmerem Seegang und besserer Sicht dörfemer a schüs Korallariff und a hufa Fischli bestuna, drunder au dr eher selteni Mola Mola (Mondfisch), woma suss eigentlich bim Schnorchla nia gseht. Noch dem lässiga Erlebnis hüpfemer no a letschts mol in Pool bim Hotel, bevors denn zum Flughafa goht.