Am 16.09 Stund bini mit de Alejandra ines härzigs Cafi und die Waffle heisst „zurich waffle“. Mer hend mega gueti Gspröch gha. Sie het zwei Jahr un Dütschland glebt und zwei Jahr in Italie. Drum het sie Europa recht guet kennt. Spannend gsi, z‘ghöre wie sie Europa gfunde het

Am nöchste Tag bini denn mit ihre nomol ih das Pintacafe. Han am schluss aber nit das ufem Tisch gmalt sondern es Hündli für mini Gastmuetter und han‘s glich agmalt wie d‘Mohana, ihre Hund. Das gibi ihre denn als Abschlussgschenk wenni wider abreise

Das ish übrigens „gallo pinto“, riis mis Bohne und wahlwiis no mit Zwible oder Tomatestückli. Das ish s‘bekanntiste Gricht und es git Lüt da wo das zum z‘morge, z‘mittag und z‘nacht essed. Ich iss es da eig nur am Wucheend zum z‘morge

Die wuche bini no ines italienishes Restaurant go esse und i muess sege, da ish i miner ganze Zit das Esse gsi wo am ehste wie würklich in Italie gschmöckt het. Süsh sind Pizzateig da immer dick. Es ish chli türer gsi aber heg sich glohnt

Am Fritig hani no be de Studentin wo da wohnt en Zahreinigung gmacht. Sie het sogar mini Lippe und alles untersuecht und Röntgebilder gmacht. So gnau bin i glaub no nie abcheckt worde. De Zahnarzt wo ihri Arbet kontrolliert het sogar echli dütsch chönne & kennt Aarau.ps: ish e paste, kei Bluet