Die Wuche het‘s in San Jose nonstop gregnet und es isch recht chalt gsi

So chalt, dass d‘Mohana sogar scho es hübsches Winterkleidli hett müesse alege😂

Mis Gastmami isch so e härzigi. Well sie weiss, dasi die Frücht liebe het sie extra vill bim buur kauft und git mer die jede Morge füre z‘Mittag mit

Da hani mi mal no ganz kurz wider wie dihei gfühlt

Han natürlich au eini müesse kaufe und die isch würklich e ganz schwiizerischi us de Migros

Woni denn am Fritig los bin für an Strand het‘s ganz schüch Stau gha. Für de Weg sött mer lut Google Maps 7min bruche, mer sind am 9i los gfahre und hend demfall fast e Stund brucht nur für die Strecki

Am Strand hani denn no en neue Kolleg gfunde wo mer die ganz Zit noche glofe isch

Und es het richtig guet tue wider mal ide Sunne z‘schwitze. Det het‘s s‘ganze Wucheend nie gregnet aber defür het‘s über e Stund Stromusfall geh. Vill gmacht hani aber sowieso nit ussert Mojitos trunke, am Strand glege und guet gesse