_Ab in Nationalpark_

Praktisch di ganz Insle Jeju isch UNESCO Weltkulturerbe, wills e Vulkaninsle isch.

D Wanderig hüt isch würkli wunderschöö gsii. Atemberaubendi Natur! E Gmisch us Wälder, Gräser, Hügel und Gstei - de Nebel isch liislig um si umegstriche und het so sin Charm spiele loh.

S Wandere do isch sehr greglet, für di einte Pfad muesch di vorgängig registriere und au bi de andere Wäg registriereds di am Afang. Ab 14.00 chasch au nüme ine, dass denn au joh alli beziite wieder dune achömed. Chum isches uf de einte Siite chli steil, montiereds e riise Grüst, dass au jo niemmer abegheit. All paar Meter gits zuedem e Notruefsüüle, falls mer in Not isch chamer döt lüüte. Sicherheit wird do gross gschriebe!

De Wäg isch vill steili Stege gsii (da isch ehrlichgseit chli müehsam und langwiilig gsii) und nocher aber schöni Holzwäg (siehe Bildli)😇

De Sunneundergang wieder zrugg in Jeju City am Meer - s tüpfli uf em i!

Was für e Augefreud hüt!