_Elei sii_

Di erste zwei Täg bini jo chli elei underwägs bis mini Kollegin au iitrudlet.
Aso hüt obig chunnt si aa.

Uf di eint Siite ischs cool, willi cha mache wani wött & wieni wött. I mue uf niemmer warte, cha lüüt beobachte und Chind zuelächle wo spieled. I ha gmerkt, dassi glaub vill ufmerksamer id Umgäbig lueg als wenni mit andere underwägs bi, plus i ha au vill meh Lust zum mit fremde Lüüt is Gspröch cho. Da freut mi eigentli alles sehr.

Trotzdem hanis irgendwie au nöd so gern. Irgendwie ischs doch nice, wenn mer das wo mer gseht & bemerkenswert findet, cha teile. Und wa mer fast am schwierigste fallt isch aber s esse. I gang eifach so nöd gern elei go esse, usserd es isch so richtig gmacht für au Elei-essendi. Denn essi lieber hald nüüt oder hol mer öppis im convenience store.🏪

Solang i underwegs bi und chli sache mach wie gest und hüt isches aber tiptop & macht spass! Jeju isch au so schöö, s het mi hüt chli ad Schwiiz erinneret: vill Landwirtschaft, Felder und Wälder und denn plötzlich e Kaff oder e Städtli.