Ida Feria freiwillig am 6:15 Uhr ufstoh, machtma nur, wemma sich uf öpis freut. Miar sind ufena Great Barrier Reef Tour und händ zwei Tauchgäng buacht. Miar händ im Vorhinein lang recharchiart, weli Organisation mr näh söllend für Tour, wells zersta mol Taucha isch mit öperem andrscht und deshalb hämmr chli respekta ka vorm Massatourismus. Womr de no bir einzig lokala Organisation in ganz Cairns Info becho händ, dasses gad guat passa wür, wellmr maximum 3 Taucher sind a dem Tag, hets nu guat chöna werda. So isches au gsi.. ufm Boot hämmr erfahra, dasmr sogar nu zweita sind und dasmr an dia zwei beschta Tauchplätz ans Milln und Flynn Reef gönd, wos wägda Wetter und somit Wasserbedingiga scho sit über drei Mönet nüma händ chöna härago. Alli andera 90 Persona ufm Boot sind go Schnorchla oder händ en Schnuppertauchgang gmacht.
Üsi Tauchleiterin het üs super begleitet und z Taucha isch eifach wieder eimol meh ah unbeschrieblichi Erfahrig gsi. Leider oder aswia au guat, muama das erleba, den ufda Bilder und ufda Video ischs eifach ni zglich. Nachm Taucha hämr de sogar no biz Ziet ka zum go Schnorchla und de het a Meeresbiologin no einiges über d Organisation und übers Great Barrier Reef verzellt.