Nochdem miar gmüatli zmörgelet und üsa Campingplatz grumt hen, simr voller Vorfreud am 10i für dia 3-stündig Tour parat. Als ersts fahremer mitemna Bus durna uströchnets Flussbett zumena Unterstand. Do wirds schu bald widr Wasser geh, es isch nämmli z Endi vur Dry Season do. Nochdem dr Guide üs uf a hufa Gfohra uf dera Tour ufmerksam gmacht het: Achtung heiss, stay hydrated, uf d Füass luaga und nid laufa wäredem Fötala, es isch wit und heiss und ma cha nid ir Hälfti umchera... startemer de gmüatlich harmlos Spaziergang (öpa 1,5km). D Natur isch würgli sehr idrücklich miar gsehn: Schmetterlingschwärm, speziells Gstei und da verschiedeni Bäum und Strüch zu dena dr Guide vorzua widr Einiges verzellt. Er verzellt au, dasses do a Koalafamilia het, doch ma müassti Glück ha zum sie gseh. Hämr diesmol ni. Er verzellt no einiges meh zuda Koala und zuda Windräder, wos überall in Queensland git. Dia Windräder händ en rechta negativa Ifluss ufd Koalas Kommuikation, denn beidi händ dia glich Frequenz... Zudem ischs biz wiedersprüchlich, dass genau under anderem Greenpeace dia Windräder will, glichzitlig abr befürwortet, dassma da Koala dr Läbensrum nimmt und sie zu Tode schlot.... Sehr spannends Thema zum meh dazua recherchiara.😉


Dr Höhepunkt uf der Tour lut Guide isch dia sautür fascht overengineered Glasbrugg übera Gorge. Dr Usbligg isch würgli nid schlecht und miar gsian sogär zwei Süasswasserkrokodil vu oba. Aschlüssend gnüssemer a gmüatlichi Bootsfahrt dura schmal Gorge. Fascht a biz wiana Gondeli z Venedig, abr viel weniger Verkehr.
Nach da Tour heissts de zrugg nach Georgetown,