Hüt stoht einiges umf Plan, doch mr händ de schnell gmerkt, dasmr üsa Plan biz apassa müand. Erstens well mr üs zviel vorgnu händ und zweitens well Queensländer no dia Wucha Feria händ und drum viel usbuacht isch. Statt wia gewollt a Tour inda unterirdischa Lavaröhra macha (usbuacht), simr de zumna Krater ufa glofa. Ma lernt drus, drum hämr de schnell gwüssi Sacha recherchiart und au festgstellt, dass zum Bispiel dr Lawn Hill Nationalpark zua het, wo biz spötr au uf üsm Plan gstanda wär. Janu, dafür hämr wiedr biz meh Ziet für andrs und händ gad a Tour in Cobbold Gorge für de nöchscht Tag buacht, für diamr hüt ni no Ziet ka händ. Dr letscht Abschnitt zum Cobbold Gorge Village isch as richtigs Abendtür gsi und het richtig Spass gmacht zum fahra.