Do es im Limmen Nationalpark ni so viel zmacha git zu dera Johresziet, hämr üs entschieda ei Tag früahnr witerzfahra. Bim eigentlicha planta Übernachtigsplätzli hämr de äs längeres Päusli gmacht und wieder eimol meh ghoft as Kroki zgseh. Ufm witera Weg hämr immr und immer wiedr churz ahghalta, um noch Krokis usschau zhalta, doch leider ohni Erfolg. I glaub dia Achtung Krokodiltafla dönts glaub eifach als Spass hära.😜
Noch drei Stunda fahrt usm Park usa, ufnera Stross wos einem duraschüttlet und ma Angst muass ha, jede Moment got dr Camper kaputt, simr froh dr letscht Abschnitt richtig Mataranka wiedr mol ufanara teerta Stross chöna z fahra. Leider hämr au fascht kei Tiar meh gseh, usr eimol öpis ada Stross entlang springa, womr vo witem ni ganu gwüsst händ wases isch. Usgseh hets wia a chlina Hund. Vallicht ischs en junga Dingo gsi?

In Mataranka acho chömr vo üsm Campingplatz direkt zuda Hot Springs. Das sind natürlichi Thermalquella mitara Wassertemparatur vo 34 Grad. ZBada an sich zmittst ir Natur hemr scho mega gnossa, doch dabei no chöna da verschiedensta Tiarli zuluaga isch dr hammr. I dem Wald hemr ez amol sona Flughundkolonie, weli us mehrera tusiga Flughünd bestoht, chöna bim Schlöfala ida Baumchronana zualuga. Zudem sind immer wieder a huffa schwarzi Ferkeli am umalaufa gsi und mehreri Wallabys. Bim einta Wallaby het so süass z Chlina usm Bütel usagüggslet.😍