Mit grosser Vorfreud packemr nachm Zmorga üsi Schnorchelsacha. Miar fahrend nu churz, bismr bim wunderschöna Schnorchelspot "Lakeside" achömend. Alli drü Schnorchelspots, zu dena miar hüt gönd, köhrend zum Nigaloo Reef, zu welm ma von Strand us drilaufa und gad go schnorchla cha. ZWasser bim Lakeside isch so klar und es het so viel schöni Fisch ka und verschiedeni grossi Rocha. Dia Unterwasserwelt isch eifach immr und immer wiedr idrücklich. 😍 Dr Unterwasserfilter isch mir Stefanie cho, drum gsehtma ez dFarba scho besser. 😊 Noch dem schöna Start freuemr üs ufa zweita Spot "Turquoise Bay". Bis döt hära fahremr nomol 10min und essend den no en feina Wrap, bevor mr widr ins Wasser gumpen. Doch leider isch es ni so sichtig und mr gsehnt ni würkli viel, weshalb mr gschwindhaft witer zum dritta Spot "Osprey Bay" gönd. Doch leider isch de wegda Gezita zua, dos zwenig Wasser het. Drum hemr üs dazua entschieda, nomol zum ersta Spot zrugggoh und es het sich glohnt, denn mr hend no zwei Schildchrötli gseh.😍 Müad vom viela Schnorchla fahren diesmol mol chli früahnr ufa Campingplatz und gnüssend es feins Znacht dussa binera schöna Atmosphära. A witera wunder schöna Tag got scho wiedr zend.