( Overview
/ Reise C&M 2024
Hüt simr widr früani Vögel und gün as ersts gad z Kalbarri zum Red Bluff Lookout, ir Hoffnig a Wal z gseh. Noch churzer Marschzit gsiamr fürna chlises Momentli au eina, doch leider nid aso lang. Miar gnüssen dr wunderschü Usblick uf z Meer, bevor miar witrreisen zum Castle Cove und zur Natural Bridge. Immer widr beidruckend wia dia Sandstei sich hin chüna forma. Spötr landemer bir Hutt Lagoon, bimna pinka See. In Geraldton simr din froh gsi, dass d Tankstell chu isch, es isch din glich knäpper worda, weder zwei vu üs gmaint hin. 😉 Nochera churza Stadtrundfahrt gümr witers bis uf Cervantes, damit miar am nöchsta Morga früa in Nambung Nationalpark gu chün.
Red Bluff Lookout
So kitschig😏
Hahah wia immr döfs Umablödla ni fähla😂
De wo d Fernstürig albigs probiert verstegga brucht no biz Üabig!😉
Castle Cove
Natural Bridge
Hutt Lagoon
Dr See isch pink will grüani Alga wegm hocha Salzghalt, dr hocha Temperatur und em starcha Liachtifall Beta-Carotin produzieren,damit si vorm Liacht gschützt sin. Am Seerand isch au a Chemiekonzern tätig, wo d Alga züchtet und z Beta-Carotin für Nahrigsergänzigsmittel und Lebesmittelfarb verchauft.
De Salzstrand glitzeret so schön wia Schnee.
Öper vo üs drü het dera Salzschicht und dem schlammiga Undergrund ni so traut und isch recht vorsichtig gsi, well sie scho biz steckabliba isch. Dia älter Schwöster het de das Ganza chli lockerer gnu und het natürlich alles müassa probiara. Doch wia seitma so schön:Wer nicht hören will, muss fühlen.
Churz vorm Camper isch de öper chnütüf igsunka und het dr Finka verlora.😂 So isch ihra nix anders übrig blieba, als mir Hand i dia schwarz stinkig Lehmmassa inazlänga, zum de Finka zfgfünda und usazüah.😂
Ganz viel Schöfli, wo usgsehn wia Stei.
Geraldton
Do hets so Salzschum über d Stross gwindet.
Sign in with Apple 
Log in with Facebook