Am Viartel vor 4 lütet hüt dr Wecker, denn es stoht wiedr mol en längera Reisetag ah. Wegda Zieta vom Hotelshuttle chömr scho eher biz knapper als suss bim Flughafa a, was normalerwies kei Problem wär. Hüt aber heissts zerst no chli umruma, wel üsi beida Rucksäck plötzli zschwer sind. Bim Sicherheitscheck werden d Stefanie und dr Marc gnauer under dLupa gnu und zHandgepäck vom Marc und miar gad auno. Ni sicher obs no füra take-away Kaffee längt, bevors mim Boarding avoht, entscheidmr üs dochno dafür es zprobiara. Wo de dr Final Call cho isch, hämr üsa zahlta Kaffee immrnoni becho und händ halt ohni müasa goh!😂

Miar sind froh, womr den noch viar Stund Flug in Sydney achömend. Miar sind alli recht erschöpft und dStefanie aswia eifach ni so zwäg. Dia drü Stund Zietverschiabig machens au ni gad besser, denn ma sött jo möglichscht schnell wiedr in Rhythmus cho, drum heissts für da Marc und mi dr Tag durabissa und chli ir Stadt go umalaufa. D Stefanie isch so ni zwäg und isch direkt is Bett, damit si sich möglichscht schnell erholt.