_Endlich zrugg woni hiighör_

Isches nöd verruckt wie Sache, wo mer mol verstande, realisiert und erkennt het, mengmol eifach verschwindet. Ame bestimmte Punkt i de Vergangeheit ischs eim so klar gsii, hets de Alltag bestimmt und denn plötzlich isches nümme so.

I weiss no genau, wieni mi gfühlt ha, woni döt gsii bi. I weiss no wie vill Freud i verspürt ha, wie vill Energie mirs geh het und wie liecht miis Herz gsii isch.

Und obwohl i immer wieder denkt ha -“i wünscht i wär wieder so wie do”- schaffis doch nümme a de Punkt zrugg.

Wie glähmt hani mi deno gsehnt, wieder nöch bi Gott zsii, erfüllt zsii vo all sine Zuesage & sim Blick uf d Mensche - aber has nöd gschafft.

Jetzt bini wieder do! I ha usegfunde wa mi ghinderet het, umgeh zsii vo Gottes Nöchi. I ha zruggfunde a de Ort, woni mol gsii bi, ha verstande wani als 17-Jöhrigi scho mol verstande ha. I ha Freud wieder zrugg zsii🥰