_Jeonju, e traditionelli Hochburg_

Hüt bini mit em Bus uf Jeonju gfahre, fahrziit gueti 3h.🚍
De Plan isch gsii iiquartiere & denn go s Städtli erkunde.
S Iizieh is Guesthouse isch schwierig gsii, so schwierig, dassi mi entschiede ha, nöd döt z übernachte und mit em Nachtbus wieder zrugg uf Seoul zgo.

Mini Situation isch ebe gad chli kompliziert. Momentan hani gad weder Cash no e Kreditcharte woni cha bruuche (ha jo miis Plunder verlore). Inzwüsche hani e koreanischs Konto ohni Geld druf, will sich d Übertragig chli umständlich erwiist. Drum bini etz ebe nur mit ApplePay underwägs und verschulde mi bi Fründe (langsam chumi chli e Ahnig über wies sich aafühlt, wenn mer Geldsorge het).

Trotz allem bini jo etz in Jeonju im Hanok Dorf gsii. E so e schö gmachts, herzigs Dörfli! 🇰🇷
Sehr touristisch, i de Hauptgasse vill los: Strossemusig, Chind wo lüchtendi Propeller id Luft wörfed und wieder versueched zfange, beliebti Streetfoodaagebot & en huufe schöni Restaurants, Chleiderläde und Werkstätt. 🍲
D Stadt präsentiert traditionelli Güeter i schögmachte Musee und villne Workshops 🪭 🍶 👘
Nöd wiit weg chamer go wandere, Seeä überquere & Tempel bestuune 🪷 🐉

Uf jedefall en Ussflug wärt!