( Overview
/ Costa Rica 🇨🇷
In letzter Ziit hani vill mit de Mari gmacht. Vorletzt Wucheend Simmer zäme go käffele und Waffle esse
Am Mäntig het sie mir denn es Löchli gflickt. Gseht hübsch us oder?
Letzt Wucheend simmer denn zäme in Usgang. Dihei ish sie immer en mega ruhigi, ish Lustig gsi sie mal vonere andere Site kenne z‘lerne. Mer sind grad zwei Nächt hinterenand zäme in Usgang
Afangs Wuche simmer denn ines Kaffi und hend zäme es Gschänkli für d‘Sonia kauft
D‘Sonia het vo eme Bekannte ganz vill Tamales becho & jetzt git‘s das fast jede Tag zum z‘morge. Das ish definitiv mis absolute lieblings Esse vo da
Und ich han ide nöchi vo de Schuel en „soda“, also es chlises Restaurant gfunde, wo s‘esse richtig fein und günstig ist
Am Sunntig sind d‘Sonia, d‘Mari und ich id Mall. Au im Usland bruch ich natürlich min Adventskalender und d‘Mari het sich de glich au kauft
Ich han mer denn no selber es früehzitigs Wiehnachtsgschenk gmacht und es Pandoraahängerli kauft
Gester simmer denn is Kino go Moana 2 luege well de Hund vode Sonia ja au Moana heisst. Sie ish echli enttüscht gsi dass im Film kein Dackel vorchunnt😂
Hüt hemmer im Unterricht no en chline Kolibri gseh. Da gseht mer die überall aber ich find das eifach immer freu mi immerno jedes Mal, ich find das so härzigi Vögeli
An Strand reise wird aber leider im Moment no nüt, es het ganzi Dörfer überluetet und mengish staht s‘Wasser würklich so höch das ganzi Hüser unter Wasser sind.
Sign in with Apple 
Log in with Facebook