( Overview
/ Costa Rica 🇨🇷
Vor ere Wuche bini mit eme Dütsche namens Finn in Usgang in San Jose und irgendwie s‘Einzig Bild woni ah dem Obe gmacht han isch das. Ish aber cool gsi mal wider chli go tanze
Am Sunntig isch eus denn d‘Olivia cho bsueche wo vor 2Mönet au da gwohnt het. Sie isch am Mäntig zrugg id Usa und het vorher no en Stop be eus gmacht für es Bsüechli. Sie isch definitiv eini vo dene woni am meiste wird vermisse vo miner ganze Reis
Und ich halt mich natürlich immer schön dra und bin im dunkle nur dihei… nei aber so nach 4mönet isch es langsam au keis Problem meh z‘nacht elei unterwegs z‘sii, ich weiss mitlerwiile wo ich dure chan und wo nit
Am Mäntig nachem Schaffe bini denn id Mall zum es Pyjama kaufe aber mini Karte het gspunne und drum bini wider ohni Pyjama hei… zum Trost het mer mis Gastmami die herzige Socke gschenkt & en alti Colones Note für mini Sammlig
D‘Moahna het au en härzige Wiehnachtspulli übercho und jetzt ish s‘kuschle richtig wiehnachtlich
Euse Igang gseht jetzt eso us. Das ish da normal😅 und de Stitch het d‘Sonia extra für mich und d‘Mari kauft🥺
Au d‘Strasse sind mitlerwiile dekoriert
D‘Mohana ish aber echli krank wurde und drum brucht sie im Moment gaaanz vill Liebi
Ide Schuel hani denn ere Mitarbeiterin vo mim Pyjama Problem verzellt und sie ish sooo en härzigi,sie het mer das Gschenkt damit ich mir glich e schöne Obe chan mache
Am Donnstig bini wider mit em Finn ine Bar. Det hemmer en „mesa“ also Tisch bstellt mit 15shots. Am Fritig ish denn sin letzte Obe in Costa Rica gsi und drum simmer nomol in Usgang. Unterwegs hani e Kollegin us de Usa troffe mit ihrem Kolleg & mir sind z‘viert in Club.
Sit eeewigkeite bini au tatsächlich so lang im Usgang gsi, dass es sho langsam hell worde ish woni dihei acho bin
Am Samstig nomi hani au endlich es Pyjama chönne kaufe!!! Das ziehni sit denn fast nüm us😂
Und mengish lernt mer’s da au z‘schätze, wenn mer nachem Wc au eifach chan d‘Händ wäsche😅 aber so Sache sind mitlerwiile sho fast echli normal worde für mich
Sign in with Apple 
Log in with Facebook