Freiwillig stöhmr hüt wiedr mol in aller herrgottsfrüahni uf... am 4 lütet dr Wecker. 😳 Dr Grund dafür sind dSchildchrötli. 😊 Dia chömend dur dNacht bi Fluat uf dia Insla, buddlend as Loch und leggend Eier, wenn Bedingiga stimmend, und chraggslend wiedr zrugg is Meer. Am Strand acho tagets scho und ma gseht überall Spura voda Schildchrötli und es goht au ni lang gsehmr einigi no im Näschtli am Sand umbuddla, odr ufm Zruggweg richtig Meer. Miar sitzen mit gnuag Abstand hera und beobachten wia dia eint odr ander zum Meer chraggslet. Da gseht mega astrengend us...
Ganz am Afang hämr eini gseh, wo no im Näschtli gsi isch aber aswenn überd Stei zrugg is Meer muass und da het üs wundr gnu wia dia das macht. Also sitzemr döt hera und beobachten sie.
Am 6 gömr de nomol go pfusa für zwei Stund bevormr de zletscht Mol uf dera Insla gmüatlich go zMörgala gönd. Drnoh heissts Packa und währendem Warta bis am 12:15 dFähra goht, chli Billiard spiela.
Zrugg ufm Festland gilts wieder ärnster, ez isch wieder fertig mit Uswärts ässa.. 😜 (Wasma uf dera Insla het müasa, welma kei Lebensmittel het döfa mitneh und es kei Lebensmittellada geh het).
Drum gömr go poschta, ufa Camping go Wösch macha, chocha, essa und de go pfusa.
De Usflug uf dHeron Island isch zwar tür aber extrem schön gsi, es het sich also würkli glohnt!😍