_ Immer öppis los do in Seoul_

I letschter Ziit hani vill so alltäglichi Freiziitaktivitäte gmacht, immer chli mit de giiche Lüüt. Will di einte jetzt jo heiflüüget, müemmers no gnüsse!
Eimol simmer is Kino go Moana 2 luege. I bi elei und mit andere i Pärk go spaziere. I bi go chlättere. Mir sind id Sauna, mir sind go Karaoke singe und eifach vill am Käfele, Znacht esse & Bierli trinke oder in Usgang.

Sisch irgendwie sehr e schöös Gfühl, wenn eim d’Lüüt au fäng chli kenned, will mer sich etz doch au immer wieder chli a de gliiche Ort ufghalte het. I mim Lieblingskafi in Gangnam schwätzi immer chli mit de Bsitzerin und im einte Club kennemer d Barlüütis fäng guet - so fühlt mer sich scho meh und meh chli iiheimisch.

Und i all däm erläbt mer au wie d Lüüt i ihrem Alltag so läbet, zum Bispiel wie si brav i de Einerkollone stönd zum in Bus iistiige oder wie sie i de Bibliotheke, Kafis und Saunas unghinderet schloofed. Me erläbt wie si K-Pop Lieder singend demonstriered oder mit Plakat de Präsident wönd zu sim Rücktritt bewege.

Sisch also immer öppis los do in Seoul!