_Zwei Täg Pohang_

Tag 1:
* 4h Busfahrt Seoul-Pohang 🚌
* Spaziergang am Kanal entlang zum Strand
* Kafipause im Heyan Kafi ☕️
Anschiinend e sehr populärs Kafi. Mega vill legged sich schö aa und verbringed ihren Samstignomittag do. E Famili isch au do cho Geburtstag fiire.🎂
* Bsuech im Kunstmuseum 🖼️ 🎥
* Space Walk 🎢
Wunderschö gsii aber au chli beängstigend, weg em Wind hets ase gwagglet!
* Znacht esse (갈비찜😋)
* Bädele & Übernachte i de Sauna 🧖‍♀️🧼😴

Tag 2:
* 5.30h Ufstoh ⏰
* Mit em Taxi zum Homigot 🚖
* Käfele & Zmörgele bis d Sunne ufgoht ☕️🥐
* Sunneufgang gnüsse 🌅🥰
* Lüüchtturm Museum 🗼
* Spaziergang am Meer entlang, iischalt aber wunderschöö!❄️🥶
* Hibiskustee trinke i de Cape Lounge 🍵
* Mit em Bus am Meer entlang & denn wieder zrugg uf Seoul 🚌

Insgesamt e schöni Hafestadt, Hauptsitz vom Stahlundernehme POSCO und bekannt für Krabbe esse. Vill Lüüt wo mer so am Meet entlang gseht, chnustet irgendöppis a ihrene Schiff und Fischernetz ume. I de Stadt sind d Strosse eher läär, Usländerinne gits glaub nöd alltag zgseh. Uf em Markt hend mi tuusig Lüüt aagsproche.

Am Morge hani mi echt no hindersinnt, öbi würkli früeh söll uuf zum de Sunneufgang gseh. Aber es het sich definitv glohnt! I ha so Freud gha!

Woni denn mit em Bus wieder id Zivilisation gfahre bi, bini ganz elei im Bus gsii. De Chauffeur isch überrascht gsii das e Touristin vo dem Bus weiss & sich getraut so elei go umereise. Mir hend chli pläuderlet und er het gmeint er wöll mit mir d Schwiiz go bereise. Ihn het mini Reisefreud sehr beeiidruckt. I ha eimol meh gmerkt, dass hald nöd jede de Wille, d Mittel, de Muet oder s Selbstbewusstsii het, sich uf so Abentüür z begeh!