_E chli Kulturschock_

Scho nöd wahnsinnig, aber glich sehr überraschend, wieni mi plötzlich wieder ane nöd ostasiatischs Läbe mue gwöhne.

D‘Lüüt zeiget so vill Huut, so vill Tattoos und i verstoh wieder alles um mi ume.
D Lüüt sünnelet wi di Verruckte, vom Motto „Vermiid d‘Sunne wa immer s chostet“ kei Spur meh.
D‘Lüüt sind sehr ufmerksam, alles gpht alli öppis aa. Me chunnt immer wieder überall chli is Gspröch.
D‘Lüüt lebed definitiv vom morge früeh bis am obig spot. Freiziit wird gross gschriebe. De Sunneufgang sowieso.

S Schöönheitsideal isch plötzlich braun gebrannt & hyper sportlich. D Lüüt jogget i de grösste Hitz & trainiered wi Profis.
D Standards wa Suuberkeit und d Usstattig im Hostel und au i öffentliche Aalage aagoht, sind bi wiitem nöd so höch wie bisher gwöhnt.
Spannend findi wie Alkohol i de Öffentlichkeit verbote isch, statt in Club, chillt mer bis i alli Nacht chli am Strand oder inere gmüetliche Bar (am Strand).
Uf de Produkt im Lade, stoht immer, wie vill Prozent vo de Zuetate tatsächlich us Australie stammed und wie gsund e Produkt isch wird markiert mit eme Ratingsystem vo 1-5 Stern glaub.