_De Aafang vo üsem 7-tägige Roadtrip_

Obwohl üüs de Typ im Hotel in Sydney gseit het, niemmer vo de Iiheimische gäng döthii, s seg eifach e riese Touristemagnet, simmer denn mit wenig Erwartige i die Blue Mountains gfahre.
S’Fahre macht Spass! Wunderschöni Landschafte, gueti Gspröch und Carpool-Karaoke mached de Roadtrip richtig gnüsslich!

Übernachtet hemmer irgendwo i de nöchi vo Katoomba ame Fluss im Wald. Underwägs hemmer en Wombat und ganz vill Kängurus gseh.☺️

I de Blue Mountains hemmer üüs ufgrafft, früeh ufzstoh zum de Sunneufgang go luege. I bi scho chli stolz, dassi d Nina dezuebroocht ha für eimol zume Früehufsteher zwerde. Es het sich definitiv glohnt, lueg mol uf de Föteli wie schöö dasses isch!