Mir gfallts do i de Outbacks.

S Läbe im Resort isch würkli sehr gäbig. Car rentals, shuttle büs, restaurants und schöni Ussichtspünkt sind alli gad i de Nöchi und fahred eim an gwünschte Ort.

Temperature sind etz gad amel so zwüsched 25 under 39 Grad Celsius, sisch durchgehend sunnig. Zu mim Erstuuna hani i de Nacht im Zelt aber sogar eher chli chalt gha. Sisch also gad aagnehm summerlich do.

Was mi jo so richtig us de Socke haut, isch definitiv d Natur, di starch Sunneiistrahlig loht de rot Sand und di grüenliche Strücher und vor allem d Farbe vom Sunneuf und -undergang wunderschöö lüüchte.

Es git en huufe z entdecke. De Shuttlebus bringt üüs zum Town Square. Döt lauft immer chli öppis. Mir losed ame Dicheridoomeister zue won er üüs zeigt wie mer das eigeartige Insrument spielt. Es erinneret mi gad chli as Alphorn.😅

Mir lueged e Dokumentation über d Erforschig vom Himmel i de Outbacks, wodruf mir de Nachthimmel no vill iidrücklicher erschiint. De Orion und de chlii Wage sind klar erkennbar, sogar d Milchstross isch eidüütig, de Himmel schiint niened ufzhöre. 🌌

Im Kino luegi en australische Film, bestuune di schö Landschaft uf de Liinwand und entflüch so vor de Nomitagshitz. 🎥

Mit em Hop on Hop Off Bus gömmer de Sunneundergang bim Uluru go aaluege und verbringed drufabe en lustige Obig mit zwei Schwiizer wo mir uf em Camping kenneglernt hend.