Am 6:00 Uhr hed üse Wecker glüted und am 6:30 hemmer alles zäme packt gha zum los fahre. Mier hend für de Arches Nationalpark en Zytslot bueched, heisst mier hend müesse zwösche 11:00 und 12:00 dete si (mier hend bim Slot bueche ned ihberechnet, dass mier ja no 4.5h fahre müend🤦🏽‍♀️😂). Mier hend üs für de chli witeri, defür schöner Wäg entschiede durs Capitol Reef. D‘Strecki esch wunderschön gsi, zwöschezytlich simmer sogar uf ca. 2900 m.ü.M. gsi. Pünktlich am 11:30 simmer bim Arches Nationalpark ahcho. S‘früeh ufstah hed sich uszahlt. Mier hend scho einiges chönne go ahluege. De Nationalpark esch mega schön und die viele Felse sind sehr ihdrücklich. Zum Teil fragt mer sich wie das cha hebe.🙈 Zudem hemmer de plausch gha uf de Felse umechlätere.😊 Es esch wieder en tolle Tag gsi und mier hend vieles döfe erläbe.☺️🫶🏽 äh