Hüt simmer losgfahre richtig Las Vegas. Üse ursprünglich Plan esch es gsi uf Henderson (esch en Vorort vo Las Vegas) z‘fahre und morn is South Premium Outlet Las Vegas z‘go. Uf de Fahrt hemmer üs denn entschiede, hüt scho go shoppe, will mer eh scho am Mittag do gsi sind. S‘Outlet esch gross gsi, aber definitiv einiges chliner als das wo ich mit Mama, Grossmamä und Grosspapä vor 14 Jahr gsi be. Mier sind au ned mega lang det gsi (ca. 4h) Es hed es par cooli Läde gha und mier hend au einiges gfunde. Haha aber uf de Bilder gsehts nach viel meh us als es esch, will mier ih praktisch jedem Lade je en Täsche becho hend.😂😂