Las Vegas Tag 2:
Mier hend hüt mal chli länger gschlafe bis am 8:30.☺️ Nachdem mier üs ready gamcht hend, hemmer üs uf d‘Suechi nach Zmorge gmacht. Das esch gar ned so eifach gsi, will alles sehr übertürt gsi esch (öbbe glich tür wie Znachtässe 20$+). Mier hend öbis über Gas welle neh ergend es Brötli oder so, aber das gids do ned. Ergendwenn henmer d‘Suechi ufgeh und sind in Starbucks. Deh esch denn aber glich au so tür gsi.😅
Gstärcht simmer denn witer glaufe richtig Chonatown. Ich kenne das Haupsächlich vo London und findes det scho no spektakuläre. Haha done esch das weniger spektakulär. Es sind eifach par Restaurants ihnere Reihe.😅 Aber ich ha das natürlich trotzdem toll gfunde und ha öbis Zmittag gässe det.☺️ Au d‘Nadine esch uf ihri chöste cho und hed endlich ihres Gipfeli übercho, wos det innere Beck gha hed (vo dem ret sie scho lang😂). Nachher simmer zrugg zum Hotel. Ich be is Gym und d‘Nadine ah Pool. Am Abig simmer denn nomol use en Show go luege. Die hed üs mega guet gfalle. Die Akrobate sind faszinierend gsi. Zum Teil hed mer fasch müesse wägluege, es esch so Gfährlich gsi.🙈 Mängisch sind plötzlich ab de Bühni gumped und sind wäg gsi.😅 Die Show esch definitiv mis s‘Highlight vo Las Vegas gsi.😊